غزل - معاملات محبت

    مانا  وہ  تھوڑی  دیر ہی بس ہم سفررہا

    لگتا ہے جیسے ساتھ مرے عمربھررہا

                 احساس تک ہوا نہ کڑی دھوپ کا مجھے

                سایہ  فگن  وہ  صورتِ  شاخ ِ  شجر رہا

    خوش ہوں کہ تیرا ساتھ ملا اس لئے کبھی

    راہوں کی سختیوں کا نہ خوف وخطر رہا

                     ہر سَمت اِک مُفاد پرستوں کی بھیڑ تھی

                 اس  کا خلوص پھر بھی سدا  معتبر رہا

    لفظ و بیاں کی ہو کہ رموز ِسُخن کی بات

    فکر  و  خیال  پر  بھی  اُسی  کا  اثر  رہا

                 راضی رضا پہ ہوں دلِ غمگین کے باوجود

                 مسرت  یہ  ہے  کہ  قرب  بہت مختصر رہا

    غوری معاملاتِ محبت عجیب ہیں

    تھا اتنا پاس دُورکوئی جس قدررہا

​

٭٭٭٭٭

نوٹ:  اپنے استاد گرامی کی جدائی کے موقع پہ کہی گئی غزل